Sungai Buloh

Sungai Buloh
Sungai Buloh
Ke bukai transcription(s)
• Jawi	سوڠاي بولوه
• Jaku China	双溪毛糯 (Simplified); 雙溪毛糯 (Tradisional)
• Jaku Tamil	சுங்கை பூலோ
	Jalai Kuala Selangor ba Sungai Buloh, ari Pintu Tama B Stesen Sungai Buloh
	Sungai Buloh Palan ba Selangor Sungai Buloh Palan ba Semenanjung Malaysia Sungai Buloh Palan ba Malaysia
	Coordinates: 3°12′36″N 101°32′59″E / 3.21000°N 101.54972°E
Menua	Malaysia
Negeri	Selangor
Pelilih menua	Petaling; Gombak; Kuala Selangor
Penumbuh	Enda jelas, abad ke-19.
Time zone	UTC+8 (Jam Standard Malaysia)
Kod pos	40160, 47000
Area code(s)	+603-60, +603-614, +603-615

Sungai Buloh, tauka Sungei Buloh, nya siti mengeri, mukim enggau sitak parlimen ba kandang menua utara Pelilih Menua Petaling Jaya, Selangor, Malaysia. Mengeri tu bepalan 16 km barat laut Kuala Lumpur sereta 8 km utara Padang Bilun Subang, sepemanjai jalai alun Kuala Selangor.

Bekunsi garis entara menua enggau Damansara, Kepong, Kuang enggau Kuala Selangor, Sungai Buloh tebilang enggau koloni orang kusta jeman kolonial, siti ari ke pemadu besai di menua tu.

Sejarah

Nadai rikut sejarah ti terang bekaul enggau penumbuh enggau palan pengentap pendiau Sungai Buloh, taja pan servis kereta api udah datai ba Sungai Buloh dalam taun 1890-an.

Mayuh orang ngumbai Sungai Buloh tu bulih nama ari sungai Sungai Buloh ke rarat ari Selat Melaka nengah Pelilih Menua Kuala Selangor. Sebuah bandar di Jeram di Kuala Selangor ke endur muara Sungai Buloh bepun mega diberi nama nitihka nama sungai nya.

Dalam taun 1930, ba lebak ke jauh ari Bukit Lagong, Sungai Buloh, seraban orang Melayu, China, India, Eurasia enggau Turki numbuhka komuniti ke dikurung berindik ari Akta Pemanah Kusta 1926,^[1] ti begunaka pengawa nyerara sereta ngubat sida ke bisi penyakit nya.

Sungai Buloh ba siti maya, nyadi palan pengentap pendiau orang ke sakit kusta kedua pemadu besai di dunya. Iya disikap enggau perengka guna ti maju lalu mengkang nyadi palan pemansik penyakit kusta nyentuk ke sehari tu. Sungei Buloh nya sebengkah projek pemungkal bepelasarka "polisi ti terang" ti nyerara pesakit kusta dalam komuniti ti ulih ngatika diri nitihka prinsip mengeri kebun.

Sungai Buloh mega nyadi palan penusah bilun Elmina 2023 nyadi.^[2] Siti bilun peribit Learjet terempas ba jalai feeder besai ti nuju ngagai projek pengawa berumah sebedau terengkah ba Padang Bilun Subang ti semak dia; 10 iku orang bebadi nyawa nyengkaum 8 iku orang ba bilun enggau 2 iku ba tanah. Seiku ari ke bebadi nyawa iya nya Kaban Kunsil Nengeri (ADUN) Pahang Datuk Seri Johari Harun ari Pelangai, Bentong.^[3]^[4]

Jalai perengka pengangkut

MRT

Stesen Sungai Buloh nya stesen tren terubah ba Sungai Buloh ke alai Jalai Tren Pelabuhan Klang enggau Jalai Tren ETS bejalaika pengawa sida ba stesen tu. Maya bulan Disember 2016, MRT Jalai Tren Sungai Buloh-Kajang udah berengkah servis iya ba stesen tu. Maya November 2021, Jalai Tren SBK enda bejalaika pengawa ba stesen tu lalu MRT Jalai Tren Putrajaya deka ngambi alih sereta berengkah beoperasyen dalam bulan November 2021.^[5]

Stesen MRT Sungai Buloh.
Tikas konkour ba stesen MRT Sungai Buloh.
Kaunter KTM ba stesen Sungai Buloh.

Perengka pengangkut bemotor

Jalai Seperis Utara-Selatan North Range nengah kandang endur tu. Bisi dua simpang jalai digaga ba Jalai Besai PLUS iya nya Simpang Sungai Buloh enggau Simpang Sungai Sepital Sungai Buloh/Utara Buloh.^[6] Kelimpah ari nya, Jalai Sungai Buloh enggau Jalai Kuala Selangor mega digaga ba endur tu.