Malaysia Timur
Malaysia Timur, tauka Negeri-negeri Borneo,[1] mega dikelala enggau nama Borneo Malaysia, nya bagi menua Malaysia ba pulau Borneo, pulau ketiga pemadu besai ba dunya. Malaysia Timur mungkur negeri Sabah, Sarawak, enggau Wilayah Persekutuan Labuan. Menua mit ke meredika iya nya Brunei mungkur dua enklaf di Sarawak. Ba selatan enggau tenggara Malaysia Timur nya bagi menua Indonesia ba pulau nya, Kalimantan.[2] Malaysia Timur bepalan ba timur ari Semenanjung Malaysia (dikelala mega enggau nama negeri-negeri Malaya), iya nya bagi menua Malaysia ba Semenanjung Tanah Melayu. Dua bengkah kandang menua tu diseraraka Tasik China Selatan.[3][4]
Malaysia Timur kurang mensia sereta kurang agi genturung pendiau ti mansang enti dibandingka enggau Malaysia Barat. Seraya Malaysia Barat ngundan mengeri besai menua tu (Kuala Lumpur, Johor Bahru, enggau Georgetown), Malaysia Timur besai agi sereta jauh mayuh agi pengeraja asal kelebih agi rizab minyak enggau gis. Dalam gaya pan-regional, status mengeri semina diungkupka ngagai sekeda genturung pendiau aja, nyengkaum Kuching, Kota Kinabalu enggau Miri. Bemacham palan pengentap pendiau bukai ke besai reti diklasifikasyenka nyadi mengeri, nyengkaum mayuh ke ngembuan lebih 100,000 iku peranak. Malaysia Timur nyengkaum sebagi ke besai ari kampung ujan tanah rendah Borneo ke mayuh macham utai idup enggau kampung ujan gunung Borneo.
Malin
edit- ↑ "Bill for 'Borneo states' instead of 'East Malaysia'". The Star (id jaku Inggeris). Diambi 2022-08-30.
- ↑ Commission regulation Official Journal of the European Union
- ↑ "Location". Malaysia Travel.org.uk. Diarkib ari asal ba 23 September 2010. Diambi 7 July 2010.
- ↑ "Malay Peninsula". HarperCollins Publishers. Diambi 7 July 2010.