Universiti Negeri Padang

Universiti Negeri Padang (Indonesia: Universitas Negeri Padang, dipandak nyadi UNP) nya siti universiti negeri ba Padang, Sumatera Barat, Indonesia, Kena 23rd Oktober 1954, universiti tu ditumbuhka Opis Menteri Pelajar Indonesia. Diatu, rektor iya nya Prof. Ganefri, Ph.D. Sebedau tu, rektor iya nya Prof Dr. H. Yanuar Kiram. Bepelasarka SK BANPT 2989/SK/BAN-PT/Akred/PT/XII/2016, Universiti Negeri Padang bulih akreditasi gred "A".

Universiti Negeri Padang

Universitas Negeri Padang
UNP Emblem
Nama kelias	IKIP Padang (Iban: Institut Pematih enggau Pelajar Pengajar Padang)
Rambai Jaku	Alam Takambang Jadi Guru (Iban: Alam Ngerembai Nyadi Pengajar)
Bansa	Negeri
Ditubuhka maya	23 Oktober 1954
Rector	Prof. H. Ganefri, Ph.D., M.Pd.
Academic staff	950
Tarak	30,000
Undergraduates	70 program pragraduan
Doctoral students	1 program
Location	Padang , Sumatera Barat , Indonesia
Colors	Kuning
Laman web	www.unp.ac.id

Universiti tu disengkaum nyadi siti ari ‘50 iti universiti ti bisi peluang di Indonesia’. Kampus keterubah universiti tu bepalan ba Jln. Prof. Dr. Hamka, Air Tawar, Padang. Berebak enggau nya, palan kampus ke bukai iya nya di Bandaraya Bukittinggi, enggau di Ulu Gadut, Padang.

Sejarah

Universiti Negeri Padang (UNP) iya nya asil ari pengawa nukar IKIP Padang nyadi siti universiti, ke asal iya dikumbai Kolej Pendidikan Guru (PTPG) di Batusangkar. Kenyau ditumbuhka kena 1 September 1954, UNP udah ngasaika mayuh ubah. Dalam sejarah pemansang iya, ubah ti nyadi ukai semina nyengkaum nama enggau endur diau aja, tang mega status enggau program pelajar ti dikemansangka iya, nitihka polisi dikena nangkup peminta pemansang pelajar di menua tu. Ubah tu tau dibagi ngagai lima timpuh, iya nya:

• Timpuh PTPG Batusangkar (1954—1956)
• Timpuh FKIP Universiti Andalas Bukittinggi di Batusangkar (1956—1958)
• Timpuh FKIP Universiti Andalas Padang (1958—1964)
• Timpuh IKIP Jakarta Pampang Padang (1964—1965)
• Timpuh IKIP Padang, siti institusyen ke bediri kediri (1965—1999)
• Timpuh Universiti Negeri Padang (1999—diatu)

Fakulti

Universiti tu ngembuan sebelas iti fakulti:

1. Fakulti Pelajar
2. Fakulti Jaku enggau Seni
3. Fakulti Matematik enggau Sains Asal
4. Fakulti Sains Sosial
5. Fakulti Injinir
6. Fakulti Sains Lumba
7. Fakulti Ekonomi
8. Fakulti Hospitaliti enggau Dagang Temuai
9. Fakulti Pelajar Graduan
10. Fakulti Psykologi enggau Pengerai
11. Fakulti Ubat

Galeri

• 
  Pintu Tama Universiti Negeri Padang
• 
  Rektorat lama Universiti Negeri Padang
• 
  Mesegit Raya Al-Azhar UNP.
• 
  Auditorium Universiti Negeri Padang
• 
  Datuk Bandar Padang Mahyeldi meri seminar ba Dewan Lumba UNP.