Universiti Andalas
Universiti Andalas (Indonesia: Universitas Andalas, disingkat nyadi Unand) nya siti universiti pemansik rama ba Padang, Sumatera Barat. Andalas nyadi siti ari palan pelajar tinggi awam ke besai di Indonesia, lalu ke pemadu tuai di luar pulau Jawa. Universiti tu dikelala enggau pemanah dalam sains sosial enggau program perubat, lalu udah ngasilka mayuh alumni ke tebilang dalam servis mensia mayuh enggau peribit. Kena bulan November 2019, Andalas ba penuduk keempat universiti pemansik Indonesia pemadu manah ari nilai serata menua ti dipejalaika Opis Menteri Pemansik enggau Teknologi.[1]
Universitas Andalas | |
 | |
| Rambai Jaku | Untuk kedjajaan bangsa (Indonesia) |
|---|---|
Rambai jaku dalam jaku Iban | Ungkup mulia bansa |
| Bansa | Universiti rama |
| Ditubuhka maya | 1955 |
Academic affiliations | ASAIHL, AUN, AUAP |
| Rector | Dr. Efa Yonnedi, S.E., MPPM, Akt., CA, CRGP. |
| Tarak | 32,000 (2022) |
| Location | , , |
| Kampus | Kampus Limau Manis Kampus Jati Kampus Payakumbuh Kampus Dharmasraya |
| Colors | Templat:ScarfGadung tuai |
| Laman web | unand |
Sejarah
editPemungkal
edit
Penemu pasal sebuah palan pelajar tinggi di Sumatera Barat udah bisi kenyau ari pun abad ke-20, berindik ari peniki kelas intelektual Indonesia moden, sekeda ari sida nya bepun ari pulau Sumatra. Perintah Hindia Belanda nadai numbuhka sebarang kolej tauka politeknik di Sumatra baka ke digaga sida di Jawa, ngujungka mayuh orang ke bisi bakat Sumatra nampung pelajar sida jauh ari menua, tauka di menua tasik pan.[2]
Pengudah Indonesia meredeka, penemu nya jampat dikerinduka bala ketuai republikan. Dalam taun 1948, enam buah akademi baru ditumbuhka di Bukittinggi: Akademi Perkhidmatan Awam (Akademi Pamong Praja), Akedemi Pelajar Fizikal (Akademi Pendidikan Jasmani), Program Akta "A" Jaku Inggeris (Akte A Bahasa Inggris), Akademi Kademi (Akademi Kadet), enggau Sekula Inspektor Pulis (Sekolah Inspektur Polisi). Berindik ari pengujung Revolusyen Nasional Indonesia ti meda penuduk kuasa mindah ngelingi Sumatera Barat ari baruh Perintah Darurat Republik Indonesia, perambu dianjung dalam taun 1949 dikena bejadika sekula undang-undang di Padang, sekula perubat di Medan, enggau sekula ekonomi di Palembang. Perintah menua maya nya, taja pia, enda tentu lama ngetuka perambu nya.
Dalam bulan Ogos 1951, Yayasan Sriwijaya (Jajasan Sriwidjaja), sebuah yayasan peribit, numbuhka Kolej Ukum Pancasila (Balai Perguruan Tinggi Hukum Pancasila). Berindik ari lalau nya, perintah ngemendarka pengawa numbuhka Kolej Pematih Pengajar (Perguruan Tinggi Pendidikan Guru) ba Batusangkar kena October 1954 enggau sebuah Kolej Betanam Betupi Negeri (Perguruan Tinggi Negeri Pertanian) ba Payakumbuh kena November 1954, pia mega sekula perubat enggau sekula sains alam (Fakultas Ilmu Pasti dan Ilmu Pengetahuan Alam) ba Bukittinggi kena September 1955. Semua empat buah kolej enggi perintah menua nya dipenyadika Sapit Presiden Mohammad Hatta, siku orang ke tegap nyukung pelajar mensia mayuh sereta peranak asal Sumatra Barat empu. Ngasaika sukung perintah, Sriwijaya ngalihka kuasa Kolej Pancasila ngagai perintah pelilih menua Sumatera Tengah, ngubah iya nyadi fakulti undang-undang (Fakultas Hukum dan Pengetahuan Masyarakat).
Lima buah kolej nya nyadi konstituen pemungkal Universiti Andalas, ti dipenyadika Hatta di Bukittinggi kena 13 September 1956. Dua taun udah nya, Rudito Rachmad nyadi graduet keterubah, nerima gelar meester in de rechten (Mr.), siti degree dalam undang-undang.
Perintah Revolusyen enggau penurun
editPenyarut politik ke nyadi ba Indonesia ujung taun 1950-an enggau pun taun 1960-an balat ngeruga universiti nya. Keterubah, Sapit Presiden Hatta ngelengka pangku pengawa dalam bulan Disember 1956, ketegal iya enda setuju enggau ketuai Presiden Sukarno ke majak autokratik. Penyarut entara perintah pelilih menua enggau pusat ngujungka penumbuh Dewan Banteng, sebuah rejim sedadu ke pengujung iya nyadi sebagi ari Perintah Revolusyen Republik Indonesia (Pemerintahan Revolusioner Republik Indonesia, dikelala enggau penyingkat PRRI) kena 1958.[3]
Mayuh profesor enggau nembiak Andalas enggau chara tebuka nyukung PRRI, ti ngembuan juluk deka bulih autonomi ti besai agi ungkup pelilih menua lalu ngasuh Menteri Besai Djuanda Kartawidjaja badu mangku pengawa. Maya tu, mayuh professor ari luar Sumatera Barat nyengkaum sida ke diambi ari menua tasik, asa lalu ninggalka pangku pengawa ngajar sida pulai ke menua tauka pindah ngagai universiti bukai di Jawa. Sekeda penyukung PRRI ari Jawa nganti pangku pengawa sida, nyengkaum pakar ekonomi Sumitro Djojohadikusumo, ti kala nyadi menteri dagang enggau komunikasyen PRRI lalu bejalaika tanggungpengawa ti bepengaruh ba pengawa numbuhka jabatan ekonomi Andalas. Pengawa campur tangan sedadu ke udah nya, dibai Jeneral Abdul Haris Nasution lalu dibunuh ba tanah ulih Kolonel Ahmad Yani, ngerusak mayuh perengka guna ngajar Andalas ke ngerembai ba sekeda mengeri. Pelajar diketuka enda lama nyentukka pengujung penyarut PRRI dalam taun 1961.
Ordo Baru enggau penumbuh moden
editPengudah penyarut taun 1950-an, Andalas berengkah ngubah diri. Diketuaika Rektor Harun Al Rasyid Zain, Andalas muka fakulti sains jelu keterubah di Indonesia dalam bulan Oktober 1963. Bagi ngajar iya nyadi Institut Pematih enggau Pelajar Pengajar Padang (Institut Keguruan dan Ilmu Pendidikan Padang), institut ke dulu ari nya Universiti Negeri Padang.
Berengkah ari taun 1970-an, Andalas berengkah ngempung mayuh perengka guna pelajar iya di Padang. Sekeda kampus baru, baka Air Tawar, Jati, Pondok, enggau Jl. Pancasila digaga dikena nampung penyampau nembiak enggau profesor ti majak nambah. Sekumbang ketuai rektor Busyra Zahir enggau Mawardi Yunus, jabatan baru ditambah nyengkaum program injinir enggau kemanusiaan keterubah. Dalam taun 1982, Andalas numbuhka dua buah kolej ukai degree (fakultas non-gelar teknologi): Politeknik Teknologi (Politeknik Teknologi Unand, diatu dikelala enggau nama Politeknik Negeri Padang) ba Padang enggau siti Politeknik Betanam Betupi (Politeknik Pertanian, ke diatu nyadi kampus Fakulti Sains Betanam Betupi ba Payakumbuh). Program latih pakar ungkup lutur berengkah dalam taun 1984, enggau pengawa bebuntas, perubat dalaman, enggau mata nyadi program keterubah.
Kena taun 1992, Program Pascasiswazah ditumbuhka; dalam taun 2000, program doktoral keterubah dalam sains betanam betupi, undang-undang, enggau sains jelu diberi kelala, lalu nyadika sida nyadi siti ari universiti besai meri gelar doktoral di Indonesia. Kena taun 2008, dua fakulti baru iya nya Teknologi Betanam Betupi enggau Farmasi ditumbuhka, lalu ditangkan enggau empat buah agi, Pengerai Mensia Mayuh, Kejururawatan, Pergigian, enggau Teknologi Maklumat dalam taun 2012.
Akademik
edit| Fakulti ba Universiti Andalas | |
|---|---|
| Faculty | Year founded |
| Fakulti Undang-Undang | 1951 |
| Fakulti Sains Betanam Betupi | 1954 |
| Fakulti Ubat | 1955 |
| Fakulti Matematik enggau Sains Alam | 1955 |
| Fakulti Ekonomi | 1957 |
| Fakulti Sains Jelu | 1963 |
| Fakulti Kemensia | 1982 |
| Fakulti Injinir | 1993 |
| Fakulti Sains Sosial enggau Politik | 1993 |
| Fakulti Farmasi | 2008 |
| Fakulti Teknologi Betanam Betupi | 2008 |
| Fakulti Pengerai Rama | 2012 |
| Fakulti Teknologi Infomasyen | 2012 |
| Fakulti Nas | 2012 |
| Fakulti Ngeli | 2012 |
Fakulti
editKenyau ditumbuhka nyentuk ke diatu, Universiti Andalas udah ngembuan sepenyampau lima belas (15) fakulti enggau siti program pascasiswazah, enggau penerang silik 44 program pelajar sarjana muda, 41 program pelajar sarjana (S2), 13 program pelajar doktoral (S3), 12 program pelajar lutur pakar, 5 profesyen enggau 4 program belajar D3.[4]
Pengereja enggau Penuduk
editOpis Menteri Pemansik enggau Teknologi Republik Indonesia (Kementerian Riset dan Teknologi Republik Indonesia) ba taun 2016, Universiti Andalas dipadu ba penuduk lumur 11 universiti pemadu manah di Indonesia ari 12 buah universiti pemadu besai di Indonesia (Kluster 1) tauka ba penuduk lumur satu di pulau Sumatera enggau lumur dua ba luar Jawa.[5] Kelimpah ari nya, Majalah Tempo edisyen Mac 2006 ngengkah universiti tu ba penuduk lumur 14 dalam analisis iya ba kapasiti alumni iya ngambika ulih diserap dunya dagang. Sampai ba penuduk lumur 13 dipegai universiti ba pulau Jawa. Reti nya Unand mangku penuduk keterubah di Sumatera lalu indah di luar Jawa. Maya bulan Mei 2008, Majalah Tempo sekali agi ngeletakka Unand nyadika sebengkah ari universiti, dalam kes tu alumni Fakulti Betanam Betupi enggau Surat, ti pemadu digiga mayuh macham ejensi dalam ngambi pengereja pengawa.[6] Unand mega semina sebuah aja palan pelajar tinggi di Sumatra ke nerima Akreditasi A Ari ripot Lembaga Akreditasi Kebangsaan Pendidikan Tinggi (BAN PT) taun 2003, Unand ba penuduk lumur 11 (lumur dua di luar Jawa) ari 41 iti universiti nengeri di Indonesia.
Malin
edit- ↑ Idhom, Addi (2019-11-19). "Daftar 10 Besar Kampus Terbaik di Indonesia Berdasar Kinerja Riset" [10 Best Indonesian Universities Based on Research Performance]. Tirto.id. Diambi 2019-11-21.
- ↑ Hadler, Jeffrey (9 October 2008). Muslims and Matriarchs: Cultural Resilience in Indonesia Through Jihad and Colonialism (I ed.). Cornell University Press. ISBN 080144697X. Diambi 17 August 2018.
- ↑ Kahin, Audrey (1 June 2000). Rebellion to Integration: West Sumatra and the Indonesian Polity, 1926-1998 (I ed.). Amsterdam University Press. ISBN 9053563954. Diambi 17 August 2018.
- ↑ [1] Archived 2015-06-01 at the Wayback Machine.
- ↑ "Universitas Andalas - Unand Peringkat 11 PT Tahun 2016". Diarkib ari asal on 2016-08-25. Diambi 2016-08-25.
{{cite web}}: Unknown parameter|dead-url=ignored (|url-status=suggested) (help) - ↑ https://web.archive.org/web/20111121052953/https://www.gatra.com/universitas-andalas