Laksa Sarawak
Laksa Sarawak tu siti utai dempa ti datai ari negeri Sarawak, Malaysia. Batang ramu iya nya sambal laksa ti digaga ari mayuh macham ramu[1]. Laksa Sarawak enda sebaka enggau laksa bukai ba Malaysia laban laksa Sarawak ngena udang enggau kuah manuk enda baka laksa bukai ti ngena kuah ikan. Iya bisi sup asas ti ngundan sambal belacan ti meri iya chura mirah ti mega dichampur enggau santan, keladi, bawang putih, galangal, enggau serai. Iya ditabur enggau keping telu goreng, keping manuk, udang, enggau daun ketumbar. Kapur mega ditambah nitihka pengerindu siku-siku.
 Laksa Sarawak. | |
| Course | Utai Dempa Keterubah, Sarapan Pagi |
|---|---|
| Penatai | Malaysia |
| Menua | Sarawak, Borneo |
| Pengangat pemakai | Angat |
| Utai dikena | Mi, Santan, Udang, Singkap Manuk, Keping Telu, Asam Jawa, Bawang putih, Lengkuas, Serai, Sambal Belachan |
Ramu baka pucuk kacang, keping tauhu goreng tauka pemakai tasik bukai mega ditambah nitihka peneka taja pan ramu tu ukai ramu laksa tradisional.
Laksa Sarawak mega mudah dibeli ba negeri sepiak baka Sabah enggau Brunei Darussalam. Asil nya tau ngujungka sekeda orang pechaya bisi resipi laksa ke bebida ari Sabah enggau Brunei, ke bendar iya sebaka enggau laksa Sarawak.