Katedral

Katedral nya gerija Kristian ti nyadi penuduk Bishop. Ketegal katedral nyadi penuduk biskop, iya nyadi gerija tengah sebengkah diosis. Semina denominasyen Kristian ti bisi bishop aja bisi katedral. Katedral ulih ditemu ba Gerija Katolik, Ortodoks Timur, Ortodoks Oriental, Anglikan sereta mega sekeda gerija Lutheran.

Katedral Notre-Dame

Dalam Gerija Ortodoks Gerika, leka jaku "kathedrikos naos" (ti mai reti: "panggau sembiang katedral") enggau "metropolis" (ti mai reti: "nengeri indu") dikena nujuka utai ke sama. "Metropolis" nya agi suah dikena, tang kededua leka jaku nya resmi dikena.

Bisi variasyen ba guna leka jaku "katedral"; ambika chunto, sekeda katedral sebedau Reformasyen di Scotland diatu dalam Gerija Skotland agi ngetanka leka jaku katedral, taja pan politi Gerija Presbyterian ti nadai ngembuan bishop. Laban katedral suah nyadi begunan ti kelebih agi ngalitka ati, leka jaku tu suah dikena enggau salah dikena madahka sebarang gerija ti besai ti beguna. Tang sekeda diosis bisi gerija bukai ke besai agi ari katedral.