Gabriel Possenti

Gabriel Possenti tauka Gabriel Indai Penusah Ati (nama ada Francesco Possenti; 1 Mac 1838 – 27 Februari 1862) iya nya seiku tarak ke belajar nyadi paderi dalam raban Passionis Itali. Diada ba sebilik ke profesyenal, iya ngelengka juluk ati deka nyadi kereja sekular ngambika ulih tama eklisia Passionist. Pengidup iya dalam biara nya ukai utai ti nyelai, taja pia iya nitihka atur eklisia enggau sedang lalu dikelala ketegal pengangkun iya ti besai ngagai penusah ati Dara Maria. Iya mati ketegal penyakit tibi lebuh umur iya 23 taun ba Isola del Gran Sasso, ba pelilih menua Teramo. Iya dikuduska Pope Benediktus XV dalam taun 1920.

Sante Gabriel Indai Penusah Ati (Francesco Possenti) C.P.
Gambar Sante Gabriel ari Indai Penusah Ati ngena Passionist Habit. Tanda Passionist, sebagi ari Habit, bisi ba dada iya.
Confessor
Ada	1 Mac 1838 Assisi, Negeri Pope (diatu Itali)
Midang	27 Februari 1862(1862-02-27) (umur 23) Isola del Gran Sasso, Perintah Itali
Dipebasa ba	Gerija Katolik
Diberekat	31 Mei 1908, Rome, Perintah Itali by Pope Pius X
Dikanon	13 Mei 1920, Rome, Perintah Itali by Pope Benedict XV
Major shrine	San Gabriele, Teramo, Abruzzi
Pengerami	27 Februari
Atribut	Ulah enggau Tanda Passionist
Patronage	Tarak, Biak, Paderi, Seminarian, Abruzzi

Pengidup tumu

Francesco Possenti ada maya 1 Mac 1838, ba Assisi, Itali, anak ke sebelas ari tiga belas iku diri menyadi ke ada ari indai iya, Agnes, enggau apai iya, Sante. Sida sebilik maya nya diau ba mengeri Assisi ke alai Sante gawa ba perintah menua. Possenti dibaptisa ba hari iya ada ngena font ti sama enggau endur Francis ari Assisi udah dibaptisa. Enda lama udah pengada Francis, Sante Possenti dipindahka ngagai siti pangku pengawa di Montalta lalu ari nya ngagai Spoleto ke alai, dalam taun 1841, iya dipadu nyadi penilai undang-undang. Ba Spoleto sida sebilik dituntung mayuh macham penusah ati: pemati siku anak mit indu, Rosa, dalam bulan Disember 1841; ari Adele ke beumur tujuh taun dalam bulan Januari 1842; enggau indai Francis, Agnes, dalam taun 1842.

Lebuh agi mit sereta agi biak, Francesco Possenti balat dikerinduka bala kaban iya lalu ngembuan nama ti besai ketegal pengawa pengasih enggau pengarap ti besai. Iya mega dikelala enggau pengawa ti balat ngintu diri bekaul enggau gamal diri lalu deka ngena jam nyendiaka diri ungkup pesta ria. Francesco tau nyadi anak mit ti tusah lalu suah ringat. Francesco balat ngaul diri enggau pemandang sosial Spoleto lalu enda lama udah nya bulih nama panggil "penari". Iya siku lelaki pengindu lalu bisi beberapa kali kaul romantik lalu ba malam iya mupuk ngagai Passionists agi bisi pengarap iya engka deka betunang enggau siku indu dara menua nya, Maria Panachetti, ti rindu enggau iya lalu ti udah beberapa kali bepangan enggau iya. iya (nembiak indu ti sama tu udah nya ngulu pengawa beatifikasyen enggau kanonisasi Gabriel). Iya dipelajarka dulu ari bala Menyadi Kristian lalu udah nya bala Jesuit ba kolej mengeri nya lalu dia iya nyulut, kelebih agi dalam jaku Latin. Dalam taun 1851 Possenti balat sakit lalu besemaya deka masuk pengidup pengarap enti iya gerai. Sekali iya udah gerai, semaya iya enda lama udah dilalaika. Pekara ke sama nyadi lebuh iya sempit ngelepaska diri ari peluru ti limpang maya ekspedisyen ngasu enggau bala bakih. Menyadi iya Paul udah mati dalam taun 1848 lalu menyadi iya Lawrence mati ketegal munuh diri dalam taun 1853. Dalam taun 1853 Francesco sakit baru, sekali tu kena rampit abses tekak. Iya ngaitka pengerai iya enggau Andrew Bobola ke baru diberi beati. Sekali agi iya udah besemaya deka masuk pengidup pengarap lebuh iya udah gerai lalu sekali tu kebendar iya ngatur proses nya. Iya minta deka enggau Jesuit, tang ketegal sekeda kebuah ti enda ditemu enda kala neruska pengawa nya. Penusah nyadi baru lebuh menyadi indu iya, Mary Louisa, ke udah ngibun Possenti pengudah pemati indai seduai iya, mati ketegal penyakit kolera.

St. Gabriel Indai Penusah Ati (Lukisan ba dewan parish Völs am Schlern .)