Fátima, Portugal
Fátima nya sebengkah nengeri ba kandang mengeri Ourém enggau pelilih menua Santarém ba Kandang Endur Oeste e Vale do Tejo dalam menua Portugal. Nengeri tu ngembuan pemesai 71.29 km2 enggau penyampau tubuh 13,212 iku (2021).[1] Nengeri tu ngembuan siti parish ti nyengkaum beberapa iti kampung enggau lokaliti ke alai nengeri Fátima nyadi nengeri ke pemadu besai.
Parish sivil nya udah dikaitka belama enggau Our Lady of Fátima, siri penampak Maria taun 1917 ti dikumbai disaksika tiga iku nembiak gembala setempat ba Cova da Iria. Gerija Katolik udah nya ngaku pekara tu nyadi "patut dipechaya". Sebuah chapel mit digaga ba endur penampak nya dalam taun 1919, lalu patung Maria bisi mega dipasang. Chapel enggau patung nya udah diengkah dalam Sanctuary Our Lady of Fátima, sebuah kompleks shrine ke ngundan dua buah basilika mit. Perengka guna ke bekaul ungkup bala jemaah nyengkaum hotel enggau palan perubat mega udah digaga dalam timpuh bepuluh taun dalam enggau ngelingi Sanctuary. Mengeri tu udah nyadi palan entarabansa ke beguna ngagai temuai pengarap, nerima entara 6 ngagai 8 juta iku jemaah ninting taun.[2][3]
Malin
edit- ↑ "Censos 2021: Resultados Provisórios". censos.ine.pt. Archived from the original on 26 December 2021. Retrieved 18 December 2021.
- ↑ "Religion moves 330 million tourists a year and six million go to Fátima" Archived 5 Disember 2018 at the Wayback Machine, Diário de Notícias, 19 February 2017.
- ↑ "Fátima expects to receive 8 million visitors in 2017" Archived 5 Disember 2018 at the Wayback Machine, in Sapo20, 15 December 2016.