Yukie Chiri
Yukie Chiri (知里 幸恵, Chiri Yukie, 8 Jun 1903 – 18 September 1922) nya siku penyalin tulis enggau jaku bebansa Ainu ungkup ensera Yukar (cherita epik Ainu).
Pengidup
editYukie Chiri ada dalam sebilik bansa Ainu ba Noboribetsu, Hokkaido maya jeman Meiji. Maya nya, perintah koloni Hokkaido jampat nambah pemindah raban bansa Jipun ngagai Hokkaido, enggau chara paksa ngemindahka raban bansa Ainu sereta ngerampas chara asal sida ngidupka diri. Perintah Meiji ngemeranka polisi tebal digaga dikena ngelaban tauka nagang pengawa budaya Ainu seraya meransang tauka mejal asimilasyen sida ngagai raban bansa Jipun. Maya abad nyau deka ganti, sekeda penulis Ainu madahka asimilasyen nya aja chara ti ulih dikena ngidupka raban bansa Ainu.[1][2]
Chiri dianjung ngagai ibu iya Imekanu ba Chikabumi, ba luar nengeri Asahikawa, maya iya umur enam taun, dipelaba deka ngurangka beban wang apai indai iya. Imekanu diau enggau indai iya ke udah tuai, Monashinouku, siku tukang cherita Ainu ti mina nemu jaku Jipun mimit. Chiri lalu nemu dua jaku lebuh iya nya Jaku Jipun enggau Jaku Ainu, lalu ngembuan penemu enggau litericha tusui bansa Ainu ti majak kurang dikena maya nya. Taja pan iya napi buli ba sekula, tang iya nyulut ba pelajar kelebih agi ba seni jaku. Taja pia, ketegal bepilih mata ngagai bansa Ainu, iya napi penanggul etnik ti enda manah ti nuntung mayuh rebak iya.[3]
Konsep diri Chiri pasal asimilasyen budaya nya kompleks. Dalam siti surat ti ditulis iya lebuh iya agi biak, iya madahka, "Dalam siti besap mata rampa menua asal baka ke kenyau ari kelia udah lenyau; nama utai ti udah nyadi ba orang ti gaga ati ngidupka diri ba umai enggau bukit iya? Kami ti kaban belayan mimit aja ti mengkang semina merening enggau mata ti besai, alit ati meda gaya dunya ti majak nyadi."[4]
Pengawa
edit
Chiri beumur tengan remaja lebuh iya keterubah iya betemu enggau pakar jaku Jepun sereta pakar jaku Ainu Kyōsuke Kindaichi maya jeman Taishō menua nya. Iya benung bejalai ngelingi Hokkaidō ngiga pemanchar litaricha lisan Ainu, lalu udah datai ngiga Imekanu enggau Monashinouku. Lebuh betemu enggau Chiri ke agi diau enggau Imekanu, Kindaichi tekala nya nemu potensi iya lalu berandau enggau iya pasal pengawa iya. Lebuh Kindaichi nerangka rega ke dipeda iya ngetanka cherita tuai enggau main asal Ainu ngagai Chiri, iya mutuska deka ngena awak pengidup iya kena belajar, ngerikut sereta nyalin yukar.[5]
Kindaichi udah nya pulai ke Tokyo, tang udah nganjung bup tulis puang ngagai Chiri ngambika iya ulih ngerikut sebarang utai ti datai ba runding iya pasal budaya enggau jaku Ainu. Iya milih deka ngerikut cherita ke dilagu ini iya, ngena romaji mantaika munyi Ainu, lalu udah nya nyalin yukar ke ditranskripsyen nya ngagai jaku Jipun. Pengujung iya, Kindaichi mujuk iya enggau iya di Tokyo nulung iya ba pengawa ngumpul sereta nyalin yukar. Taja pia, semina beberapa bulan pengudah datai di Tokyo lalu ba malam ke sama iya nembuka antologi yukar keterubah iya, iya mati ngenyit ketegal penyakit jantung maya umur 19 taun.[3]
Legasi
edit
Antologi Chiri tu dikeluarka taun ke nangkanka nya enggau tajuk Ainu Shinyōshū (Siti Koleksyen Epik Ainu pasal petara). Taja pan penaung iya Kindaichi enggau editor siri Kunio Yanagita udah ngambi manuskrip niang Chiri nya ngambika ditekan, tang seduai iya nadai ngengkahka nama seduai iya ba dini-dini endur ba manuskrip nya; jaku pemuka enggau isi ditulis sepenuh iya ulih iya. Bup iya ngundan salin jaku Jipun enggau, enda ulih dibeli, jaku asal Ainu, ngena urup Roman. Iya nerima puji ti besai dalam suratberita maya nya, nempa basa baru ngagai budaya Ainu ba pemacha Jipun, lalu mengkang nyadi pun penatai yukar ti pemadu beguna kemaya hari tu.
Madi laki iya, Chiri Mashiho, udah nya nampung pelajar iya ari baruh pelanja Kindaichi lalu nyadi seiku sarjana ti dipebasa dalam pelajar Ainu. Kededua Chiri enggau menyadi lelaki iya ti biak dipelanja enggau chara resia ulih Keizo Shibusawa, aris Shibusawa Eiichi, nengah pemeri ti enda dikelala nama.[6] Imekanu mega neruska pengawa transkripsyen enggau nyalin yukar.
Malin
edit- ↑ Sjoberg, Katarine V. (1993). The Return of the Ainu. Amsterdam: Harwood Academic Publishers.
- ↑ Kayano, Shigeru (1989). Our Land was a Forest: An Ainu Memoir. Boulder, Colorado: Westview Press.
- ↑ 3.0 3.1 Fujimoto, Hideo (1991). Gin no shizuku furu furu mawari ni: Chiri Yukie no shōgai. Tokyo: Sōfūkan.
- ↑ Strong, Sarah M. (2011). Ainu Spirits Singing: The Living World of Chiri Yukie's Ainu Shin'yoshu. Honolulu, Hawaii: University of Hawaii Press.
- ↑ Kindaichi, Kyōsuke (1997). Watashi no aruita michi. Tokyo: Nihon Tosho Center.
- ↑ Christy, Alan S. (2012). A Discipline on Foot: Inventing Japanese Native Ethnography, 1910–1945. Rowman & Littlefield. p. 33.