Urup Dunging
Urup Dunging tauka urup Iban nya sistem tulis setengah urup ti dikena nulis jaku Iban ba menua Sarawak. Iya bepelasarka Papan Turai lalu digaga Dunging anak Gunggu (1904–1985) dalam taun 1947. Bisi 77 iti glif keterubah lalu glif nya diubah nyadi 59 iti glif ke diatu maya taun 1962. Iya bedau dikena mayuh orang nyentukka Dr. Bromeley Philip berengkah ngelakuka skrip tu baru maya taun 2012.[1]
| Dunging script | |
|---|---|
| Bansa Urup | |
| Pengaga | Dunging anak Gunggu |
Timpuh maya | 1947 AD - diatu(enda dikena mayuh) |
| Direction | Left-to-right  |
| Jaku-jaku | Iban (enda dikena mayuh) |
Dunging ngajar skrip nya ngagai sekeda anak menyadi iya. Taja pia, nadai mayuh minat ari raban komuniti iya. Iya kala dikangau ngajar urup nya ba siti sekula ba Betong, tang nadai pemujur. Kenyau ari nya, pengawa nguji ngidupka baru skrip tu enda mujur.
Maya taun 2010, Dr Bromeley Philip ari Universiti Teknologi MARA (UiTM) Sarawak ngaga font komputer ungkup urup jaku Iban, ti dikumbai LaserIban deka ngemanjaika pengawa Dunging. Tuju iya deka nyaup ngetanka urup Iban dalam tukuh digital ba dunya moden. LaserIban tu bisi ungkup komputer Windows enggau Macintosh lalu iya ulih dikena enggau mayuh macham platform.[2] Taja pia, LaserIban nya font legasi ti dikod ngagai blok Latin Unicode, lalu enggau nya nyekat guna iya dalam komputer.[3]
Malin
edit- ↑ Pemintar Dunging kedua bali nama Seragunting suarasarawak.my. 31 Oktober 2020.
- ↑ Reviving the Iban alphabet 18 Mei 2015.
- ↑ https://scriptsource.org/cms/scripts/page.php?item_id=entry_detail&uid=ggh84hv7up scriptsource.org. 22 Mac 2017. Diambi 116 Julai 2024