Tabi Maria

Tabi Maria, tauka dalam jaku Latin Ave Maria, sampi tradisional Katolik ngagai Maria, indai Jesus deka pinta sampi perentara iya. Sampi tu dikena Gerija Katolik Rom lalu nyadi paung sampi Angelus enggau Rosari. Sampi Tabi Maria mega dikena Gerija Ortodoks Timur enggau Ortodoks Oriental, sereta mayuh raban bukai dalam tradisyen Katolik, baka Anglikan, Katolik Bibas enggau Katolik Lama. Sekeda denominasyen Protestan baka Lutheran mega ngena sampi tu. Mayuh ari teks Salam Maria ulih ditemu ari Bup Luke.

Teks Sampi

Jaku Iban

Tabi ka nuan, Maria,

ti penuh ulih nimit,

Allah Taala sejalai enggau nuan.

Nuan lebih berekat ari semua indu,

lalu beberekat buah tubuh nuan, Jesus.

O Maria, ti kudus,

Indai Allah Taala

Kami orang ti besalah

minta nuan besembiang ka kami

diatu lalu maya kami parai ila.

Amin.

Jaku Latin

Ave Maria, gratia plena,

Dominus tecum,

benedicta tu in mulieribus,

et benedictus fructus ventris tui, Iesus.

Sancta Maria, Mater Dei,

ora pro nobis peccatoribus, nunc, et in hora mortis nostrae.

Amen

Penerang ari Bup Kudus

Sampi tu ngulaika iti ayat ari Bup Luke: "Tabi ke nuan Maria, ti penuh ulih nimit Allah Taala; Allah Taala bisi enggau nuan" (Luke 1:28) enggau "nuan lebih beberekat ari semua indu, lalu beberekat meh buah tubuh nuan, Jesus." (Luke 1:42)

Ba Eropa Barat maya ngalih abad ke-13, sampi tu mina ari jaku-jaku tu enggau penambah nama "Maria" sepengudah jaku "Tabi", baka penerang ari St. Thomas Aquinas pasal sampi tu.