Wikipedia

Sirtaki

Sirtaki tauka syrtaki[1] (Gerika: συρτάκι) nya siti tanda asal Gerika, digaga koreografi ungkup filem taun 1964 Zorba the Greek.[2] Tanda tu tanda rayat Gerika ke baru, dipegulai ari "syrtos" enggau ritma lubah enggau jampat ari tanda hasapiko. Tanda enggau muzik sempulang digaga Mikis Theodorakis mega dikelala tanda Zorba tauka Zorbae. Tanda tu nyadi tebilang ba menua Gerika lalu nyadi identiti orang Gerika,[3][4][5] nyadi siti tradisyen ti baru digaga.

Sirtaki ba festival Accroche-Cœurs.

Nama sirtaki datai ari leka jaku Gerika syrtos – ari σύρω (τον χορό), ti mai reti "ngirit (tanda)" tauka "ngulu (tanda)" – nama suah dikena ungkup raban tanda tradisional Gerika gaya ti dikumbai "irit", enda baka pidikhtos (πηδηχτός), gaya jingka.[6] Taja nama iya baka nya, sirtaki ngemasukka kededua elemen syrtos (ba bagi lubah) enggau pidikhtós (ba bagi jampat).

Koreografi

edit

Tanda tu digaga mina ungkup filem Zorba the Greek lalu ukai siti tukuh tanda tradisional. Nama sirtaki mantaika tanda tu digaga ari siti tukuh tanda tradisional Krete "syrtos", ke alai orang ke betanda nya ngirit kaki sida tang enda nyingka, taja pia, tanda tu ngemasuka gaya tanda hasapiko ti lubah, sereta gaya tandahasaposerviko ti jampat. Nya alai, tanda tu nyadi pegulai ari tiga gaya main tanda ti bebida.[6] Tanda tu mega ngundan penteba ari tanda zeybek. Koreografi tanda ungkup filem tu udah dikaulka enggau Giorgos Provias.[7][3]

Maya pengawa filem Zorba the Greek, Stelios Katsivelakis udah ngajar koreografi ngagai Anthony Quinn (taja bisi mega pengajar tanda ke bukai, madahka bisi orang ke betanda ke bukai, nyengkaum iya kediri, bisi ngaul diri dalan ngajar Quinn), nyengkaum mayuh bansa tanda Gerika baka Kalamatianos, Chaniotikos syrtos (syrtos Kania), pentozali enggau engkebut psalidia (baka guntin), enggau hasapiko.[8][3] Zeibekiko nya terubah iya dibuai, laban direktor ngasaika tu engkeman ungkup orang ukai Gerika lalu hasapiko dipeda manah agi ba skrin.[3] Quinn madahka ketegal iya bisi penanggul ngaga engkebut jingka laban kaki iya bisi patah, iya ngaga gaya tanda ngirit-ngelunsur ke dipadah iya siku orang kampung bisi ngajar iya, sereta ngaga kediri nama iya ba endur nya mega maya filem nya agi digaga.[9]

Tanda tu diberi nama Sirtaki ba pemandang keterubah filem nya.

Pengereja

edit

Sirtaki ulih ditanda bebaris tauka dalam tukuh segala enggau jari dipegai ba bau orang sepiak. Lebuh merindang kediri, petanda ngangkatka jari iya mendatar ba kededua piak tubuh. Bagi engkebut kaki engka mandangka pengawa nganchurka buah anggur.[10]

Meter iya 44, tempo niki, lalu suah iya sain ditukar nyadi 2/4 ba bagi jampat. Nitihka iya, petanda berengkah enggau bungai ke lemi enggau lubah, berinsur nyadi jampat sereta kasar agi, suah nyengkaum jingka.[11]

Rikut Dunya Guinness

edit

Kena 31 Ogos 2012, Rikut Dunya Guinness Tanda Sirtaki kelka (Cyprus, 2010, 1672 orang) udah dipechah 5,614 orang betanda sirtaki sepengelama lima minit ba tebing tasik, berengkah ari palan penyangkai kapal ba mengeri Volos di Gerika. Gerempung Impak Sosial enggau Budaya ngagai Perbandaran Magnisia ngatur pengawa nya ba pantai besai mengeri Volos ba baruh penampak bulan penama kedua bulan nya.[12] Bisi 5,614 iku orang ke beumur entara 14 ngagai 89 taun, betanda nitihka muzik Zorba the Greek ke dikarang Mikis Theodorakis, lalu ngemenuhka dataran mengeri lalu nyadi Rikod Dunya Guinness. Bala orang ke rindu ari Volos, Larisa, Athens, Thessaloniki, Trikala, enggau pulau-pulau Gerika nyereta gerempung pelilih menua orang buta, tim berenang sinkron nasional enggau mayuh rayat biasa. Penemu nya datai ari siku peranak Volos, Alexia Halvatzakou, ti meri perambu ngagai servis perbandaran nyadika chara alternatif dikena ngelakuka kandang menua nya. Presiden Gerempung Impak Sosial enggau Budaya, Costas Halevas, rindu ke penemu nya lalu berengkah ngatur pengawa nya.[13]

Peda mega

edit

Malin

edit
  1. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  2. ↑ Giorgos Provias ba IMDb
  3. ↑ 3.0 3.1 3.2 3.3 Zografou, Magda; Pateraki, Mimina (2007). "The "Invisible" Dimension of Zorba's Dance". Yearbook for Traditional Music: 117–131. doi:10.1017/S074015580000669X. JSTOR 20465014. S2CID 193492997.
  4. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  5. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  6. ↑ 6.0 6.1 Ralat Lua pada baris 3162 di Modul:Citation/CS1: attempt to call field 'year_check' (a nil value).
  7. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  8. ↑ Pateraki, Mimima; Mountakis, C (2013). "Zorba's Cinematic Dance: Global Fame, Local Claim Beyond Studios and Screens". Science of Dance. 6: 67–85.
  9. ↑ "Zorba the Greek". Turner Classic Movies. Archived from the original on 9 August 2016.
  10. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  11. ↑ "H ιστορία του χορού Συρτάκι". Pro Dance (in Greek).
  12. ↑ "Largest Sirtaki Dance". Guiness World Record (in Inggeris). 31 Ogos 2012.
  13. ↑ "Sirtaki dance in Volos for the Guinness World Records". GR Reporter. 30 Ogos 2012.
Diambi ari "https://iba.wikipedia.org/w/index.php?title=Sirtaki&oldid=10474"