Engkayu
Engkayu tauka sayur nunjukka sebarang bagi utai tumbuh ti diempa mentah tauka pengudah mansau sekalika nyadi ulam, salad tauka lauk, ukai pemakai manis, lalu mega pemakai batang tauka snek.[1] Sayur tau dibagi ngagai beberapa raban, iya nya bansa daun, buah enggau ubi. Bisi lebih 50 bansa sayur ke ditanam ba Semenanjung Malaysia sekalika ba tanah baruh tauka ba tanah tinggi. Urung 20 bansa sayur ti beguna sereta mayuh ditanam orang bumai Malaysia bepelasarka rega komersial iya.[2]
Leka jaku
editDefinisyen engkayu enda fokus ngagai raban botani ti spesifik lalu iya nyengkaum mayuh macham struktur utai tumbuh. Taja pia, sayur tau ditukuka nyadi sebarang bagi utai tumbuh ti ulih diempa mensia.[3]
Raban engkayu
editEngkayu tau dibagi ngagai beberapa raban nitihka bagi utai tumbuh ti diempa baka engkayu bedaun, buah, enggau ubi.
Engkayu bedaun
edit- Asparagus
- Bayam
- Kangkung
- Kailan
- Kubis
- Kubis bungai
- Kubis bungai gadung
- Kubis china
- Buchai
- Puchuk pqku
- Salad
- Ensabi
Engkayu buah
editEngkayu ubi
editNutrisyen
editPemakai engkayu bebida nitihka faktor baka bansa sayur, penyegar engkayu, baja tauka nutrien ti ditemu ba tanah endur engkayu nya ditanam, chara engkayu nya dipantaika dikena manduk, chara engkayu nya udah mansau, enggau pengelama engkayu nya mansau.[1]
Ari sukut rama, engkayu ti diempa mata ngundan mayuh agi nutrisyen lalu pia mega engkayu ti dipanduk enda lama tauka diputihka aja baka ulam. Seraya engkayu ke udah kelalu lama dipanduk tauka engkayu ke baru ke udah dibelah mit-mit lalu direndam dalam ai kelalu lama kelebih agi ai ke bealir, deka ngurangka nutrisyen iya.
Mayuh pansik udah nunjukka pemakai ti penuh enggau enkayu enggau buah ulih nurunka risiko penyakit jantung enggau sekeda bansa riman.[4] Pemakai tambah ti semina bepanggai ba pil enggau tablet dikena mekal nutrien ngagai tubuh nadai ngembuan pemaik pengerai ti sama enggau pemakai buah enggau sayur. Rempah ti lenyau iya nya fitokimia, sebatian utai tumbuh ti beguna amat dalam nagang sekeda penyakit. Tebal agi fitokimia nya antioksidan, iya nya kimia ke ulih ngerusak radikal bibas, molekul reaktif ke ngerusak DNA, protein, enggau lemak enda tepu dalam sel. Bala pakar pemakai diatu benung chakah mansik penguntung fitokimia lalu nyau deka ninting minggu riput pasal nya dikeluarka.
Buah enggau sayur ti bechura terang ngembuan fitokimia ti tinggi. Entara fitokimia ti beguna iya nya karotenoid enggau flavonoid. Buah enggau sayur ti kaya enggau karotenoid suah agi bechura kuning, banda, mirah, tauka gadung. Pansik nunjukka pemakai ti kaya enggau karotenoid ulih ngurangka risiko penyakit jantung, riman, enggau [[strok]. Iya mega engka ulih ngelaunka penyakit kemi manis berengkah sereta nulung ngurangka pengerusak ketegal penyakit nya.
Seraya buah enggau engkayu ti kaya enggau flavonoid ngembuan chura mirah, biru, ungu, tauka burak. Baka karotenoid, flavonoid udah ditemu ulih ngurangka risiko penyakit jantung, kanser, enggau penanggul pengerai bukai ke bekaul enggau penuai. Dalam pansik makmal, blueberry dikaitka enggau tikas belajar enggau pengingat ti nambah.
Nya alai kitai diperansang makai mayuh macham buah enggau engkayu ti bechura ngambika bisi pengerai ti manah sereta bepengerai.
Malin
edit- ↑ 1.0 1.1 H. C. Ong (2003). Sayuran: Khasiat & Ubatan. Utusan Publications & Distributors Sdn Bhd. ISBN 978-9676-113-900.
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ 2004. Journal of the National Cancer Institute
Bacha ke silik agi
edit- Ramli, M.N., A.A Fadelah, I. Fauziah, M.K Illias, S.Y Mah, R. Melor, N,N Mohamad Roff and H. Rosiah. 2000. Panduan pengeluaran sayur-sayuran, ed. baru. Kuala Lumpur: Mardi.
- Gareth, D. and M. Lennartsson. (2005). Organic Vegetable Production: A Complete Guide. Ramsbury: Henry Doubleday Research Association. ISBN 978-1-86126-788-7