Sampi Apai Kami

Sampi Apai Kami (dikelala dalam jaku Latin enggau nama Pater Noster tauka dalam jaku English Our Father) nya sampi ke tebilang dalam pengarap Kristian. Dalam Sempekat Baru Bup Kudus Kristian, sampi tu diayanka dalam Bup Matthew ke disampi maya Ajar ba atas Bukit, lalu dalam Bup Luke ke nulis Jesus ditanya siti ari sida murid iya ngajar sida besampi baka John ke ngajar bala murid iya. Bisi sekeda orang madahka dua-dua iti versyen nya asli, versyen ke diambi ba bup Matthew dipadah Jesus maya ba Galilee, lalu ke diambi ba bup Luka udah jadi setaun udah nya ba Judea. Sampi tu ditutup enggau jaku "lepaska kami ari penyai" dalam bup Matthew, lalu ba bup Like "lalu anang mai kami ngagai penguji". Bentuk liturgi dikena nitihka bup Matthew.

Nitihka Katolik, jaku keterubah dalam topik ari Katekisme Gerija Katolik madahka "sampi tu nyadi lansa ari Bup Kudus". Mayuh ari denominasi Kristian ngena sampi tu dalam sembiang sida, lalu sampi ke dikena dalam liturgi nya diambi ari bup Matthew. Kristian Protestant nutup tu enggau jaku doksologi (ianya, "Laban Nuan empu perintah, enggau kuasa enggau mulia, Amen"), ke diambi mega ari ayat bukai ari bup Matthew.

Teks Sampi Apai Kami

Penerang Bup Kudus

Taja Jesus dipelaba ngajar sampi tu dalam jaku Aramia, teks-teks ke keterubah ditulis dalam jaku Gerika. Ketegal jaku Latin nya dikena dalam Gerija Katolik ba Eropa Barat, versyen jaku Latin ianya Pater Noster, nya teks ke penting dalam gerija nya.

Tu munyi sampi tu dalam Matthew 6:9-13 (Bup Kudus):

"Apai kami ti di serega,

Kudus meh nama Nuan.

Datai meh perintah Nuan,

Nyadi meh peneka Nuan,

Di dunya enggau di serega.

Beri ngagai kami sehari tu pemakai

Umbas dipakai kami.

Ampun penyalah kami,

Baka kami ngampun orang ke salah enggau kami

Lalu anang mai kami ngagai penguji, tang lepaska kami ari penyai.

Tu munyi sampi tu dalam Luke 11:2-4 (Bup Kudus):

"Apai,

Kudus meh nama Nuan.

Datai meh perintah Nuan.

Beri ngagai kami sehari tu pemakai, umbas dipakai kami.

Ampun kami dosa kami,

Laban kami ke ngampun orang ke salah ngelaban kami.

Lalu anang mai kami ngagai penguji."

Konteks sampi ba bup Matthew deka ngesalka orang-orang yang keran besampi deka mandangka pengudus diri; dokumen narasyen Yesus ngajar bala peninga iya besampi ngena chara ke udah dipadahla dalam sampi. Meratika struktur, alir utai pelajar enggau pengaga, nya satu penerang nya. Sampi Tuhan nya nyadi pengiring dalam chara besampi nya ukai utai ke dipelajar lalu diulang enggau pengingat.