Ngepan Iban

Ngepan Iban nya siti pekayan adat ke dikena indu Iban ti datai ari Sarawak, Malaysia. Ngepan mega dikena raban minoriti Iban ba Brunei enggau Kalimantan Barat, Indonesia. Ngepan Iban dikena maya pengerami baka Hari Gawai Dayak enggau pekit Kumang .

Ngepan Iban

Ngepan Iban yang dipersembahkan ketika pertandingan Kumang Iban 2024 di Sarawak, Malaysia.
Bansa	Baju Tradisional
Material	Pua Kumbu dan Tembaga
Endur asal	Sarawak, Malaysia
Pengaga	Sarawak, Malaysia

Sejarah

Nitihka pengarap lama, ngepan Iban dipelabaka datai ari indu dara ke benama Kumang kelia menya. Kumang tu indu ti chukup manah sereta bajik entara indu Iban ti dulu ari tu. Iya siku indu ti landik ngereja sebarang pengawa indu baka betenun, ngepang, betenun lalu diberi gelar Indu Bantang. Kelimpah ari nya, iya ukai semina tebilang enggau pemajik tang iya bisi penau ngeraika penyakit orang bukai.

Ngepan maya jeman moden

Pengelandik ti udah diasilka Kumang ngepan nya udah nyadi rujukan nyadi pekayan asal komuniti Iban. Lengkap enggau barang kemas pirak, temaga, manik enggau kain ti digaga ari bemacham chura udah nyadika Kumang model ngepan asal tu.

Chara ngena Ngepan Indu Iban tu selalu iya ngembuan reti ti nyemetak ba tiap iti barang pengias ti dikena. Enti pengena ngena ngepan sepeneka ati, nya tau meri empas ti enda manah ngagai pekayan asal komuniti Iban lalu pia mega chara ti salah ngena nya tau ngasuh orang ti ngena iya diperening.

Ambika chunto, sugu tinggi ti dikena endang patut tinggi agi ari sugu tinggi ti bukai. Kebuah iya sugu tinggi ke pandak endang ungkup bini tauka balu orang. Kelimpah ari nya, chura kain ungkup nembiak indu patut terang chura. Tu nunjukka indu nya tau dikena nyadi ka bini.

Pengawa ngetanka ngepan asal tu beguna amat ngambika rebak diatu enggau dudi hari ulih nemu budaya ngepan asal bansa Iban kelebih agi ngepan asal indu Iban di Sarawak. Penyelai enggau penyelai ngepan tu mandangka peninggi budaya nyadi ngepan budaya komuniti Iban di Malaysia.

Perengka iyas ngepan

Ngepan Iban yang ke dikena maya pengerami baka Pekit Kumang, suah dikena enggau perengka iya nya:-

• Sugu Tinggi
• Tali Mulung
• Rawai
• Tumpa Bentuk
• Buah Pauh
• Gelang Kaki @ Gerunchung
• Sementing Buchai
• Lampit
• Sementing Ringgit
• Selampai
• Tangu

Pekayan adat laki Iban dikelala enggau nama Baju Burung.

Link luar

• Baju Tradisional Iban - Perempuan