Maus

Maus iya nya kereban nunjuk ti dipegai jari ti ngelala gerak dua dimensi ti relatif ngagai sesebengkah permukaan. Gerak tu biasa iya disalin ngagai gerak pointer (dikumbai kursor) ba display, ti ngemendarka pengawa ngawal interface pengguna grafik komputer enggau lanchar.

Maus enda bewayar

Pengawa mandangka maus ti nguasa sistem komputer ba mua mayuh keterubah digaga Doug Engelbart dalam taun 1968 nyadi sebagi ari Indai Semua Demo. Maus asal iya ngena dua iti roda ti bebida dikena terus ngesan pejalai nengah sesebengkah permukaan: siti ba x-dimensi enggau siti ba Y. Udah nya, reka bentuk standard ngalih ngena bol ti beguling ba sesebengkah permukaan dikena ngelala gerak, lalu disambung ngagai roller dalaman . Tebal agi maus moden ngena chara optik ti ulih nyidi pejalai enggau nadai bagi ti mindah. Taja pan asal iya semua maus disambung ngagai komputer ngena kabel, mayuh maus moden nadai wayar, bepanggai ba komunikasyen radio jarak pandak enggau sistem ke disambung.

Kelimpah ari mindahka kursor, maus komputer bisi siti tauka lebih butang dikena ngemendarka operasyen baka milih item menu ba display. Maus suah mega bisi ngembuan elemen bukai, baka permukaan sentuhan enggau roda scroll, ti ngasuh pengawa ngawal tambah enggau input dimensi.