Wikipedia

Kristian ba Brunei

Kristian ba Brunei nya pengarap kedua pemadu besai ba menua nya, ngarika 8.7% ari populasyen sida maya 2022.[1] Riput bukai madahka persin orang Kristian dia ngemayuh 12%.[2]

Gerija St. Andrew ba Bandar Seri Begawan

Sekat ba pengelepas pengarap

edit

Kontak enggau orang Kristian ari menua bukai, pengawa ngimport Bup Kudus enggau ngintu Krismas ba mua orang mayuh ditagang.[3] Orang Kristian di Brunei enda dikemendarka ngerembaika pengarap Kristian ngagai bala mayuh.[4] Sekula dia enda tau ngajar pengarap Kristian.[4] Enti gerempung pengarap enda ngerejista diri, kaban gerempung nya ulih dijil.[4] Pia mega, tikah entara orang Kristian enggau orang Islam ditagang dia.[4] Brunei nyadi menua Islam ti pemadu baru ngaga undang-undang ti nyadika pengawa murtad nyadi penyalah ti tau diukum mati. Dalam taun 2013, iya ngaga Kanun Keseksaan Syariah. Seksyen 112(1) undang-undang baru nya madahka, orang Islam ti madahka diri ukai Islam ngereja penyalah ti tau diukum mati, tauka enggau ukum jil enda ngelui tiga puluh taun, bepanggai ba bukti.[5] Nengah timpuh nganti ke dipinta entara pemadah undang-undang enggau sah iya ari baruh konstitusyen Brunei, undang-undang baru iya ke murtad enggau ukum tubuh deka dikena berengkah bulan Oktober 2014, lalu ukum mati deka dipejalaika berengkah bulan Oktober 2015.[6]

Maya taun 2015, berindik ari tagang taun 2014 ba pengerami ke tau ngujungka orang Islam limpang tauka ngerusak pengarap sida, Sultan Brunei Hassanal Bolkiah ditagang ngintu Krismas ba mua mayuh. Pengerami peribit dikemendarka terus dipejalaika, asal aja iya dirahsia ari orang Islam.[7]

Ba taun 2023, Freedom House meri tikas pengelepas pengarap menua nya 1 ari 4.[8]

Protestan

edit

Maya taun 1996, raban Protestan bisi 1.3% ari penyampau tubuh mensia di Brunei, 0.6% ari sida Evangelikal.[9] Maya taun 2010 raban Protestan bisi 4.4% ari penyampau tubuh mensia di Brunei.[10] Maya taun 2020, sida ngarika 3% ari populasyen.[11] Gerija-gerija Protestan ba Brunei iya nya:

Gerija Roman Katolik

edit
Artikel batang: Roman Katolik ba Brunei

Bisi tiga iti parish Roman Katolik ba Brunei.[13] Parish-parish tu di baruh Vikariat Apostolik Brunei Darussalam. Kardinal Cornelius Sim nyadi bishop enggau Vikar Apostolik Brunei nyentukka pemati iya maya Mei 2021. Iya dichiri nyadi bishop maya taun 2005 lalu dichiri Pope Francis nyadi kardinal maya taun 2020.

Peda mega

edit

Malin

edit
  1. ↑ US State Dept 2022 report
  2. ↑ Open Doors website, Retrieved 2023-08-01
  3. ↑ "Open Doors UK". Archived from the original on 12 May 2008.
  4. ↑ 4.0 4.1 4.2 4.3 "US Department of State 2009 report on Brunei".
  5. ↑ Brunei - Laws Criminalizing Apostasy Library of Congress (May 2014)
  6. ↑ Rabiatul Kamit & Bandar Seri Begawan, Kedah Officials in Brunei to Observe Syariah Law, Brunei Times (16 May 2014)
  7. ↑ "Brunei bans Christmas celebrations in public, including wearing Santa hats". 23 December 2015.
  8. ↑ Freedom House, Retrieved 2023-04-21
  9. ↑ "Adherents.com". Archived from the original on 12 November 2012.{{cite web}}: CS1 maint: unfit URL (link)
  10. ↑ "Religions in Brunei | PEW-GRF". www.globalreligiousfutures.org. Retrieved 2020-06-06.
  11. ↑ The ARDA website, retrieved 2023-08-01
  12. ↑ 12.0 12.1 12.2 12.3 Source of the list: The World Christian Encyclopedia, Second edition, Volume 1, p. 153
  13. ↑ "the Roman Catholic Church in Brunei Darussalam". Archived from the original on 21 February 2008.
Diambi ari "https://iba.wikipedia.org/w/index.php?title=Kristian_ba_Brunei&oldid=9068"