Junko Tabei
Junko Tabei (Jipun: 田部井 淳子, Hepburn: Tabei Junko, 22 September 1939 – 20 Oktober 2016) nya siku peniki bukit, pengarang, emggau pengajar ari menua Jipun. Iya indu keterubah ke datai ba punchak Gunung Everest sereta niki Tujuh Punchak, niki setiap punchak ke pemadu tinggi ba tiap benua.[1][2][3] Tabei nulis tujuh iti bup, ngatur projek rampa menua deka meresi enggau ngumpul uras ti ditinggalka peniki bukit ba Everest, sereta nguluka pengawa niki Gunung Fuji ninting taun ungkup nembiak ke kena empas penusah Tanah Berenyang Besai Timur Jipun. Siku astronomer meri nama asteroid 6897 Tabei ari nama iya lalu ba taun 2019, siti rantau gunung ba Pluto diberi nama Tabei Montes ungkup basa iya.
Junko Tabei | |
|---|---|
| 田部井 淳子 | |
.jpg) Tabei maya taun 1985 ba Punchak Ismoil Somoni | |
| Ada | Junko Ishibashi 22 1939 Miharu, Fukushima, Jipun |
| Haribulan pemarai | 20 Oktober 2016 (umur 77) Kawagoe, Saitama, Jipun |
| Pengawa |
|
| Dikelala ketegal | Indu keterubah ti niki Gunung Everest (1975); indu keterubah ti niki Tujuh Punchak (1992) |
| Kaling | Masanobu Tabei |
| Anak | 2 |
Pengidup tumu
edit
Junko Ishibashi ada maya 22 September 1939[4][5] ba Miharu, Fukushima, anak kelima ari tujuh menyadi.[2] Apai iya gawa nyelak. Iya dikumbai anak ti lemi, taja pia iya berengkah niki bukit maya iya umur 10 taun, maya iya nitihka pejalai kelas niki Gunung Nasu.[6][7] Iya rindu lumba tu ketegal lumba tu nadai bepekit sereta mega rindu meda rampa menua asal ti nyelai lebuh iya datai ba punchak bukit. Taja iya rindu amat niki bukit, sebilik iya nadai chukup duit kena hobi ti mar nya, lalu Junko mina niki mimit bukit maya iya ba sekula tinggi.[2] Ari taun 1958 nyentukka 1962,[2] Junko belajar jaku English enggau litericha Amerika ba Universiti Indu Show. Terubah iya merambu gawa nyadi pengajar. Pengudah iya nembuka pelajar iya, iya nyambung baru minat iya niki bukit enggau chara nyeretai sekeda kelab niki bukit laki. Taja sekeda laki nerima iya nyadi peniki bukit, sekeda agi nanya motif iya deka enggau lumba ti mayuh laki seretai.[6] Udah nya, Junko udah niki semua gunung besai ba Jipun, nyengkaum Gunung Fuji.[2] Maya iya umur 27, Junko jadi enggau Masanobu Tabei, siku peniki gunung ti ditemu iya maya pejalai niki Gunubg Tanigawa. Seduai iya lalu bulih dua iku anak: siku anak indu, Noriko, enggau siku anak laki, Shinya.[2]
Pemidang enggau legasi
editJunko udah ditemu bisi sakit riman perut ba taun 2012, tang iya mengkang enggau pengawa niki gunung. Ba Julai 2016, taja penyakit iya majak balat, iya nguluka siti pejalai nembiak ngagai Gunung Fuji.[6] Iya midang ba siti hospital di Kawagoe kena 20 Oktober 2016.[7] Sebedau pemidang Junko, asiku stronomer udah meri nama siti asteroid 6897 Tabei ari nama iya.[8] Kena 22 September 2019, Google ngingatka ulang taun pengada iya ke-80 enggau siti Doodle. Tulis ti disempulang meri slogan motivasyen iya, "Anang putus pengarap. Teruska pengawa nuan."[9][10] Kena 19 November 2019, siti rentang gunung ba Pluto udah diberi nama Tabei Montes kena meri basa ngagai pemujur Junko Tabei niki gunung. [11] Tema pemeri nama gunung ba Pluto nya "Pemungkal dalam sejarah ti ngelayang kandang menua baru dalam pengawa mansik Bumi, tasik enggau langit".[12]
Malin
edit- ↑ Carter, H. Adams, ed. (1995). "The Seven Summits". American Alpine Journal. 69 (37): 127. ISBN 978-0930410612. ISSN 0065-6925.
- ↑ 2.0 2.1 2.2 2.3 2.4 2.5 Horn, Robert (7 October 2013). "No Mountain Too High for Her: Junko Tabei defied Japanese views of women to become an expert climber". Sports Illustrated. Archived from the original on 2 April 2020. Retrieved 2 April 2020.
- ↑ Otake, Tomoko (27 May 2012). "Junko Tabei : The first woman atop the world". The Japan Times. Archived from the original on 29 May 2012.
- ↑ Bauer, Patricia. "Junko Tabei – Japanese mountaineer". Encyclopedia Britannica (in Inggeris). Retrieved 3 April 2020.
- ↑ Penyalat nyebut: Tag
<ref>tidak sah; tiada teks disediakan bagi rujukan yang bernama:8 - ↑ 6.0 6.1 6.2 Penyalat nyebut: Tag
<ref>tidak sah; tiada teks disediakan bagi rujukan yang bernama:4 - ↑ 7.0 7.1 Penyalat nyebut: Tag
<ref>tidak sah; tiada teks disediakan bagi rujukan yang bernama:0 - ↑ Padoan, Amanda (2 November 2016). "The Inspiring Story of the First Woman to Summit Everest". Outside Online (in Inggeris). Retrieved 14 April 2020.
- ↑ "Junko Tabei's 80th Birthday". Google. 22 September 2019. Retrieved 22 September 2019.
- ↑ Baynes, Chris (22 September 2019). "Junko Tabei: Google Doodle celebrates first woman to reach summit of Mount Everest". Independent UK. Retrieved 22 September 2019.
- ↑ "International Astronomical Union Names for Features on Pluto". International Astronomical Union Gazetteer of Planetary Nomenclature. Retrieved 20 January 2020.
- ↑ "Categories (Themes) for Naming Features on Planets and Satellites". International Astronomical Union Gazetteer of Planetary Nomenclature. Retrieved 20 January 2020.