Gitar
Gitar tu kereban muzik betali ti dimain ngena chara ngumpul tali. Batang bagi gitar iya nya tubuh, fretboard, headstock enggau tali. Gitar selalu iya digaga ari kayu tauka plastik. Tali sida digaga ari besi tauka nilon.
.jpg) Different types of guitars (from left: resophonic, classical, electric, and folk). There are also: a dulcimer in the center and, placed horizontally, a MIDI keyboard and a mandolin. | |
| String instrument | |
|---|---|
| Classification | String instrument (plucked, nylon stringed guitars usually played with fingerpicking, and steel-, etc. usually with a pick.) |
| Hornbostel–Sachs classification | 321.322 (Composite chordophone) |
| Developed | 13th century |
| Playing range | |
 (a regularly tuned guitar) | |
| Related instruments | |
| Bowed and plucked string instruments | |
Tali gitar dipetik ngena jari enggau kukut jari kanan (tauka jari kiba, kena pemain jari kiba), tauka pick mit ti digaga ari plastik tipis. Bansa pick tu dikumbai "plektrum" tauka pick gitar. Jari kiba megai rekung gitar seraya jari ngelepaska tali. Penuduk jari ti bebida ba fretboard ngaga not ti bebida.
Kereban betali betali baka gitar udah dikena betaun-taun. Ba mayuh bengkah menua sereta ba mayuh bengkah timpuh, gitar enggau perengka tali ti dicabut bukai udah balat dikerinduka orang, laban iya ringan dibai ari endur siti ngagai endur siti, iya nyamai agi dipelajar bemain ari mayuh perengka bukai. Gitar dikena ba mayuh macham bansa muzik, ari Klasik nyentukka Rock. Mayuh muzik popular ti udah ditulis kenyau ari taun 1950-an ditulis ngena gitar.
Mayuh macham bansa gitar, diklasifikasyen nitihka chara iya digaga enggau bansa muzik ti dikena iya. Semua bansa gitar tradisional bisi tubuh ti belubang. Tu ngasuh bunyi tali nya inggar agi, lalu meri kualiti ngagai gitar nya. Jenis gitar tu dikumbai "akustik". (Instrumen akustik iya nya perengka ti ngaga dinamik kediri empu.)
Ari taun 1930-an, orang berengkah ngaga sereta bemain gitar ti ngena kuasa karan enggau penguat dikena ngawal inggar nyawa. Gitar tu ti suah dikena dalam muzik popular dikumbai gitar elektrik. Sida enda ibuh ngembuan tubuh ti belubang. Kebuah pia laban sida enda ngena akustik dikena ngangkatka munyi.
Mayuh gitar bisi nam iti tali, tang bisi mega gitar bisi empat, tujuh, lapan, sepuluh, tauka dua belas iti tali. Mayuh agi tali ngasuh munyi perengka nya penuh agi. Ba rekung gitar bisi bar tauka tanda ti dikumbai fret. Fret nulung pemain gitar nemu dini endur ngengkahka jari iya ngambika bulih tiun ti betul lebuh bemain. Penalaan standard meri definisyen ngagai tiun tali iya nya E, A, D, G, B, enggau E, ari ti pemadu baruh (E2 ti baruh) ngagai ti pemadu tinggi (E4 ti tinggi). Penala standard dikena tebal agi pemain gitar, lalu penala ti suah dikena tau diperetika nyadi variasyen ba penala standard.