Gawai Kenyalang
Gawai Kenyalang nya siti hari gawai ke diintu orang Iban. Gawai Kenyalang nya pengerami ti pemadu tinggi dikena ngerami pemesai enggau pengulih seseiku orang ti ngintu iya. Gawai tu diintu pengelama 7 hari 7 malam lalu ba hari ke lapan, patung burung kenyalang deka diengkah ba tiang chandi ba perabung rumah panjai.[1] Nitihka pengarap lama Iban, burung kenyalang nya raja semua burung di dunya tu.
Chara ngintu
editPengerami Gawai Kenyalang diatur ba rumah panjai (tauka ba Kalimantan dikumbai rumah betang). Kenyalang ti deka dikena nya digaga ari kayu ti diukir enggau chara ti nyemaka burung kenyalang. Orang ke deka ngintu perengka nya patut nemu atur pengawa bejalaika iya. Tu beguna laban enti bisi penyilap ngintu hari nya, dipechaya iya deka mai empas ke enda manah. [2]
Pengerami nya nyadika peminta sida Petara nengah mimpi, ke alai bansa Iban pechaya tiap perintah Petara mesti dipejalaika nyadika tanggung pengawa dikena nyeliahka penusah enggau penusah ngenyit nyadi ba rumah panjai. Dalam kosmologi Iban, madahka Gawai Kenyalang nya siti ritual ti digaga bala Petara di Panggau Libau dikena ngerami Sengalang Burung (Petara Perang). [3]
Penerang
edit- ↑ Ibanology Beza antara Gawai Kenyalang dengan Gawai Burung
- ↑ Gawai Kenyalang 2011. Warisan Budaya Tak Benda Indonesia
- ↑ Tugang N, Kiyai G (21 Disember 2022). "THE ADAPTATION OF NATURE IN IBAN CULTURAL ARTEFACT". Jurnal Borneo Akhailogia (Warisan, Arkeologi & Sejarah),. Vol. 7(1), : 93. doi:10.51200/jba.v7i1.4133.
{{cite journal}}:|volume=has extra text (help)CS1 maint: extra punctuation (link)