Feminisme
Feminisme nya mayuh macham gerak enggau ideologi sosio-politik ti ngembuan tuju deka meri definisyen sereta numbuhka penyemaka entara lelaki enggau indu dalam bidang politik, ekonomi, diri, enggau sosial.[1][2][3][4] Feminisme megai penetap ti madahka raban bansa moden nya patriarkal—ti semina ngemeratka penemu lelaki—lalu orang indu dilayan enda lurus dalam siti-siti gerempung.[5] Pengawa ngubah pekara tu nyengkaum ngelaban stereotaip gender sereta ngangkatka peluang enggau asil pelajar, profesyenal, enggau interpersonal ungkup orang indu.
Bepun ari Eropah maya ujung abad ke-18, gerak feminis udah bekimpin sereta majak bekimpin ke hak orang indu, nyengkaum hak bepilih, bediri minta pilih ba opis rama, begawa, bulih gaji ti sama, ngembuan reta tengkira empu, nerima pelajar, ngaga kontrak, ngembuan hak ti sama dalam tikah, enggau peremisi beranak. Bala feminis mega udah gawa nentuka akses ngagai chara nagang beranak, muai anak mit dalam kandung ti sah, enggau integrasyen sosial; sereta dikena nyaga orang indu enggau nembiak indu ari pengawa beleman mali, pengawa ngachau seksual, enggau pengawa kasar ba ruang bilik.[6] Ubah ba standard gari indu enggau aktiviti fizikal ti ulih diterima orang indu mega udah nyadi sebagi ari gerak feminis.[7]
Sejarah
editLeka jaku "feminisme" datai ari leka jaku Peranchis "féminisme". Leka jaku perubat tu dikena nerangka indu tauka lelaki ti ngembuan ulah ti difeminisasi. Lebuh guna iya nyadi popular di Amerika Serikat, iya dikena madahka raban indu ti “netapka penyelai indu, peneleba mistik nyadi indai enggau penulin nyelai indu.”[8][9]
Feminisme berengkah enggau penemu ti madahka hak asasi mensia patut diberi ngagai orang indu. Penemu tu dibantaika sekeda raban filsofi dalam abad ke-18 enggau ke-19 baka Mary Wollstonecraft enggau John Stuart Mill. Udah nya raban feminis ba pun abad ke-20 madahka orang indu patut dikemendarka ngundi ba menua demokrasi. Mayuh orang indu berasai amat sida patut dikemendarka ngundi, lalu mayuh bantah bisi. Bala indu tu dikumbai Suffragettes. Kebuah pia laban sida benung beperang ngulihka hak ngundi ngagai semua nyengkaum indu. Raban Suffragettes ngatur mayuh pengawa protes ketegal hak sida. Indah bisi sekeda indu munuh diri kena nunjukka diri enda ulih enggau politik nya salah. Pengudah orang indu nerima undi, feminisme bekereja ngasuh semua mensia mayuh sebaka agi ungkup orang indu.
Feminisme diaku enggau chara umum bisi "gelumbang," enggau timpuh ti bebida ti fokus ngagai aspek feminisme ti bebida lalu suah agi bepelasarka penemu ti dibantaika gelumbang ti dulu ari nya.
Bansa teori feminisme
editFeminisme liberal
editFeminisme liberal bulih pengering ari penyelai runding liberal nitihka jeman Penerang. Pelasar feminisme liberal iya nya ngemeratka kuasa individu. Enti semua orang sechara individu bediri tegap ba utai ti betul, pengawa diskriminatif deka berubah. Raban liberal nyakal norma rama. Bala feminis liberal ngaku sereta nyukung pilih enggau pengerindu individu ti dianggap nyadi penempat gender ‘tradisional’ (baka rumah enggau endur gawa) enti iya nya pilih sukarela enggau nadai pengawa mejal.[9]
Feminisme sosialis tauka Marxis
editFeminisme sosialis tauka Marxis sebaka laban feministo sida (manifesto ti bepusatka indu) iya nya "revolusyen nya saut ngagai ubah." Seduai iya sama-sama ngaitka gaya sosial enggau kapitalisme lalu pechaya, ngelabuhka sistem ke diatu semina chara dikena ngulihka utai ti dikedekaka nuan. Baka raban feminis liberal, raban feminis sosialis tauka Marxis ngaku lelaki beguna nyadi sebagi ari pengawa ngulihka ubah.[9] Nama-nama aja teori, menua sosialis enggau Marxis nadai kala bisi orang indu ba pangku pengawa perintah ti besai. Orang indu udah suah bulih pangku pengawa menteri ba menua demokrasi. Retorik (nama utai ti disebut rejim) enda seruran setipak enggau utai ti dikereja rejim dalam praktikal.
Feminisme radikal
edit
Feminisme radikal, kelebih agi ba AS, mansang ari hak sivil enggau kiba baru. Bala feminis radikal mayuh udah puas ati enggau radikalisme sayap kiba ti dikuasa lelaki lalu numbuhka Gerak Pemibas Indu. Tu ditumbuhka dikena nempa politik ti bepusatka ba orang indu sereta dikena ngelarika diri ari politik ti bepusatka ba lelaki. Sida pechaya pengawa tu semina ulih dikereja ba ruang ti likun semina endur orang indu aja, lalu tu ngujungka polisi pemisah ti pemadu dikelala feminisme radikal. Bala feminis radikal suah salah sangka lalu dipeda "men-hating" ketegal chara politik sida ti beorientasyenka indu baka ti nulak input lelaki.[9]
Feminisme evangelikal
editFeminisme evangelikal tauka ‘feminisme Kristian’ ditumbuhka ari gerak balas pengarap. Bala feminis evangelical gawa nyaga sereta ngubah semengat sida ti begunaka nya, baka orang indu enggau nembiak mit ari luar gerija. Bala feminis tu pechaya semua orang sama di baruh siku Petara lalu bebendar mai penyemaka nya ngagai gerija enggau pengidup sida siku-siku.[9]
Feminisme penyemaka
editFeminisme penyemaka nya siti subbagi ari gerak balas feminis. Fokus feminisme penyemaka ngagai penyemaka entara seks nya bepelasarka pengulih lelaki enggau indu enda ulih dibida ari biologi sida. Jenis feminisme tu meransang orang indu meda ngelui ari rumah. Juluk ati iya ke penudi iya nya ngambika lelaki enggau indu sama rata ba tiap iti bagi pengidup.[9]
Feminisme baru
editFeminisme baru nya siti falsafah ti sebaka enggau feminisme penyemaka. Iya fokus ngagai baka ni bida entara lelaki enggau indu ngelengkapka pangan diri, ukai biologi siti seks ngasuh bisi pengelebih ari ke bukai. Feminisme baru, enda baka feminisme penyemaka, ngelala pengering enggau pengawa ti bebida ti diberi ngagai lelaki enggau indu. Feminisme baru ngemeranka penyemaka ba chara lelaki enggau indu dilayan dalam pengawa sida dalam raban bansa. Konsep asas iya nya pemerat ti diberi ngagai bida ti beguna nyadi biologi ukai budaya. Orang indu patut disukung nyadi pengada anak, baikka ari sukut ekonomi enggau budaya, tang tu ukai patut nyadi pengawa ti dipejal ngagai sida. Batang tuju iya nya dikena ngemeratka pemesai guna orang indu enggau lelaki nyadi individu lalu dalam semua reti (undang-undang, sosial, ekonomi), sida patut sama rata taja pan sida bebida ari sukut asal.
Runding feminis sedunya
editRunding Feminis Global keterubah iya nya pengawa ngulihka hak orang indu ba renggat global. Orang indu bisi empas ba komuniti ti bebida di serata dunya lalu ngembuan penanggul ti sama ditapi sida ninting hari, selalu iya ba rumah tauka ba endur gawa. Taja pan endur budaya ti bebida ngembuan peneleba ti bebida ti deka nempa peneleba enggau persepsyen sida, tang sida ngembuan tema ti sama. Bala feminis global suah agi fokus ngagai bansa. Sida ngerembaika jari deka mantu sida ke ba menua ke benung mansang enggau dunya ketiga, kelimpah ari mutarka penekan ti ditempa nengah sejarah kolonialisme enggau imperialisme. Iya bekereja dikena mutuska kapitalisme, imperialisme, seksisme, enggau rasisme, begulai enggau ngasuh semua orang dianggap sama ba penemu global. Iya meransang raban feminis napi penanggul sida lalu minta bantu, laban ukai semina sida aja ke ngasaika penanggul nya.
Feminisme bepanggai diri
editFeminisme Bepanggai Diri nya chara ke alai orang indu ngereja pengawa sereta beperangai enggau chara ti toksik lalu ngamatka pengawa sida nengah chara meri pesan enti lelaki beperangai sama enggau sida, iya enda deka dikangau ba pekara nya. Elizabeth Holmes, orang ke numbuhka Theranos enggau; Ellen DeGeneres ari Pengawa Mandangka Ellen DeGeneres; Amy Klobuchar, senator Amerika enggau; Chelsea Handler, siku pelawak Amerika enggau; Zoe Sugg, vlogger YouTube enggau ti bukai dianggap nyadi chunto ti pemadu manah. Tu penemu negatif pasal meri kuasa ti dipeda dalam gerak balas sosial ti madahka orang indu ti bekuasa enda ulih dipechat sereta kebal ari kritik feminis semina ketegal sida udah bulih pangku pengawa ti tinggi baka nya. Pedis deka midaka orang ti ngena chara tu ari raban feminis ti nyukung laban sida suah ngelamun diri enggau pengawa publisiti ti ngasuh semua orang indu ngetanka hegemoni sida dalam sistem kyriarchal.[10][11]
Anti-feminisme
editBala penulis baka Camille Paglia, Christina Hoff Sommers, Jean Bethke Elshtain, Elizabeth Fox-Genovese enggau Daphne Patai mantah sekeda tukuh feminisme, taja pan sida ngelala diri nyadi feminis. Sida madahka feminisme suah ngelakuka misandry (begedika lelaki) enggau ngangkatka pemerat orang indu ari atas lelaki lalu mantah penuduk feminis radikal ti tau ngeruga lelaki enggau indu. Daphne Patai enggau Noretta Koertge madahka leka jaku “anti-feminis” dikena ngasuh debat akademik enda bemunyi pasal penimpang feminisme baka kurang besimpang enggau peyerara ti tampak.[9]
Feminisme postruktural
editIya nya pampang feminisme ti nulak jaku enggau pengawa budaya ti dikena meri definisyen tubuh enggau gender. Sida nerima identiti seseiku orang enggau chara tebuka nerima identiti ti dipilih individu tauka reflektif baka ti bedau-agi-dikelala tauka enda tentu ulih ditemu.[12] Sida tu anti-essentialis lalu nulak prinsip ti digaga bala feminis liberal ti ngaga dawa pemendar pasal sapa indu ti "bendar".
Malin
edit- ↑ Lengermann & Niebrugge 2010, p. 223.
- ↑ Mendus, Susan (2005) [1995]. "Feminism". In Honderich, Ted (ed.). The Oxford Companion to Philosophy (2nd ed.). Oxford University Press. pp. 291–294. ISBN 978-0-19-926479-7.
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Gamble, Sarah (2001) [1998]. "Introduction". The Routledge Companion to Feminism and Postfeminism. Routledge. pp. VII. ISBN 978-0-415-24310-0.
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Roberts, Jacob (2017). "Women's Work". Distillations. Vol. 3, no. 1. pp. 6–11. Retrieved 22 March 2018.
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).Templat:Fix/category[permanent dead link]
- ↑ 9.0 9.1 9.2 9.3 9.4 9.5 9.6 Penyalat nyebut: Tag
<ref>tidak sah; tiada teks disediakan bagi rujukan yang bernamajane2004 - ↑ Dickson, E. J.; Dickson, E. J. (22 March 2019). "How 'Lean In' Feminism Created Elizabeth Holmes and the Toxic Ladyboss". Rolling Stone. Archived from the original on 10 January 2022. Retrieved 10 January 2022.
- ↑ "The trouble with (white) feminism". This Magazine (in Inggeris Kanada). 11 March 2015. Archived from the original on 2 November 2018. Retrieved 10 January 2022.
- ↑ Butler, Judith (1988). "The Body Politics of Julia Kristeva". Hypatia (in Inggeris). 3 (3): 104–118. doi:10.1111/j.1527-2001.1988.tb00191.x. ISSN 0887-5367. S2CID 143683506. Archived from the original on 2022-09-02. Retrieved 2022-09-02.