Enchalu
Enchalu (Melayu: cencaluk, Jawi: چنچالوق), nya siti pemakai bansa Melayu ti datai ari Melaka, Malaysia, suah diempa ukai mina bansa Melayu, tang mega bansa Peranakan enggau Kristang. Asal penatai pemakai tu ulih dipansik ngagai maya Portugis merintah Melaka suba. Pemakai tu digaga enggau penapai undang ti dikumbai udang geragau. Asai enchalu masin, sereta suah dipantai enggau chabi, bawang mirah enggau limau. Sir R. O. Winstedt udah nulis pasal "Cencaluk" ba Malaysia dalam bup iya "The Circumstances of Malay Life - 1909".[3] Bansa undang ti dikena ngaga enhalu mina bisi maya satu-satu musin ba Pantai Klebang, Limbongan, Tanjung Kling enggau sekeda kandang menua pantai.
 Semangkuk enchalu | |
| Nama bukai | Chinchalok, cencaluk, cencalok |
|---|---|
| Course | Batang pemakai |
| Penatai | Malaysia |
| Menua | Melaka[1][2] |
| Bekaul ba | Brunei, Indonesia, Malaysia enggau Singapore |
| Pengangat pemakai | angat tauka suam |
| Utai dikena | Undang |
Kemaya tu, dagang ngaga enchalu majak mayuh ba negeri Melaka. Perintah negeri kediri empu udah netapka sitak Aum Kunsil Negeri Sungai Udang nyadi kandang menua ngaga enchalu ba perambu 'Satu DUN Satu Produk'.
Pemakai enchalu tu mega udah ngerembai ngagai Riau enggau Kalimantan Barat ba Indonesia. Pemakai tu sebaka enggau bagoong alamang ba Filipina sereta khoei chalu (Thai: เคยฉลู) ba Thailand.
Proses ngaga enchalu
editUndang mit (udang geragau) dipegulai enggai asi enggau garam dalam nisbah ti sama. Pengudah utai-utai nya dipegulai, utai nya disimpan dalam siti benda dkeka ngasuh iya napai. Bisi mega orang ti ngaga enchalu nambah mayuh asi kena ngasuh enchalu nya nyamai agi.
Lebuh produk ti udah tembu diperam dalam benda kacha ke ditutup, tekanan betugung dalam benda nya. Ketegal nya, orang bejimat maya muka enchalu nya tadi.[4]
Malin
edit- ↑ Clark, Melissa (30 August 2006). "From Malaysia, a Pungent Ferment". The New York Times.
- ↑ "Cincalok | Traditional Dip from Malacca | TasteAtlas".
- ↑ The Circumstances of Malay Life, Sir Richard Olof Winstedt, Richard Winstedt, Ams PressInc, 1909 - Social Science - 90 pages
- ↑ Clark, Melissa (30 August 2006). "'From Malaysia, a Pungent Ferment' - The Chef: Zak Pelaccio, New York Times Dining & Wine". The New York Times.
- Gateway to Peranakan Food Culture Gek Suan Tan, Tan Gek Suan, Wing Fee. Asiapac Books Pte Ltd. ISBN 981-229-389-2