Ampin
Ampin iya nya seluar dalam ti dikena ngemendarka orang kemi tauka buang ai enggau enda ngena agu nengah chara nyerap tauka ngundan utai ti ulih dikena sekali aja dikena nyeliahka tai ari tama ngagai gari luar tauka ngamahka kandang endur ngelingi. Ampin ke udah kamah enggau ai kemi tauka tai patut ditukar apai indai tauka orang ke ngibun orang ke ngena iya. Enti enda nukar ampin enggau tetap tau ngasuh kulit endur ke dibungkur lampin nya ringat tauka penanggul.
.jpg)
Ampin digaga ari kain tauka utai sintetik ti ulih dikena sekali aja. Ampin kain digaga ari lapis kain baka kapas, rami, buluh, mikrofiber, tauka indah serat plastik baka PLA, lalu ulih dibasu sereta dikena baru mayuh kali. Ampin sekali guna ngundan bahan kimia ti ulih nyerap lalu dibuai pengudah dikena.
Ampin selalu iya dikena anak mit enggau nembiak ke enda dilatih ngena agu tauka ke ngasaika kemi ba katil. Taja pia, bisi mega ampin ungkup orang tuai. Selalu iya dikena individu ti bisi timpang pendiau fizikal tauka penyakit mental kelimpah ari sida ti gawa ba gaya ti ekstrim baka astronaut.